[Lyrics zum Track: PG4 - Bluet]
[Tenor]
mis blut uf papier die ziele zur dir
han musik im herz und such friede in mir
pulsierend in mir d linie vibriert
mis herz und min chopf schlönd im viertel zum beat
es wises papier tinte mis blut
wenn ich schriebe find ich mini inneri ruhe
en innere sturm wo jetzt i mir wüted
das lied für all homies wo jetzt mit mir blüted
[Deinon]
ich blüete mit ihm und ich liide in mir
die gschichte vo mir sind au lieder vo dir
mir teiled das leid und teiled en wunsch
das bluet i de strofe isch en teil vo de kunscht
schlüss blüetendi wunde durch wörter und reims
ich dichte für stunde wöt numme no styles
min bluetdruck de stiigt drum bruch ich de beat
wie es wunder für mich chum vo unne as liecht
[Tenor]
vo unde as liecht mir dräed de spies
alles wird klar wenn de näbel abzieht
mer läbed das lied , sind brüder im kampf
mis blut a de klinge doch fühle kei angscht
ich spühre de halt mer teiled das rot
drum teil ich heim mis s tägliche brot
min tägliche schmerz und teile die wut
die lüt wo ich liebe als teil vo mim blut
[Deinon]
ich teil mini rueh han musik im bluet
ich schriibe kapitel als teil vo mim buech
es liit mir im bluet ich ha niemals gnueg
es git kei befreiig es isch wie en fluech
us fleisch und bluet mir sind alli gliich
doch nöd alli lüt sind fründe für mich
mis eigne bluet mini fam und heads
im iklang mit mine seel und herz
[Hook]
[Deinon]
mir gahts unglaublich guet
doch ha keis blaues bluet
dusche mit vil trinkwasser
bluet chläbt a jede waffe
und mir verdiened dra
fuck so chas nöd wiitergah
kontos mit bloody money
doch stolz uf de ferrari
[Tenor]
treit de surstoff id organ
schwemmt de dreck us mine wunde
schlüsst sie wieder bringt mer heilig
wenn min körper nümme will blute
s elexier i mine bahne
choched uf wenn ich mal gas gib
glyzerien für jedes dasie
gege trägheit gege stasis
[Deinon]
mach d'auge uf und gseh bluetegel
händ bluet gläckt weg sind d'grundregle
was mir erzüüged isch böses bluet
striit und wuet ja chömed nur
verwöhnte bueb ich schwizte bluet
hungertoti doch nahrig gits gnueg
und laache voll bluet für das schwarze gold
mir hebed die fuscht geg die schande am volk
[Tenor]
d fuscht i de luft und gwäsche vo schuld
en tropfe vom blut en reschte geduld
en redner am pult e hand voller lüge
blut uf de fälder und bomber wo flüged
mir sind jetzt züge wenn alles vergaht
gschicht will eus lehre doch keine verstaht
s läbe fangt a mit em blutige chind
und s läbe hört uf wenn denn s'bluet nümme grinnt
|