[Lyrics zum Track: PG4 - D.T.O.]
[Deinon]
d wie da, d wie das für was ich de diktier
de da isch dekoriert wie wenn de don diniert
de drumm und de kick fuck das isch meh als durschnitt
de druck vo dem beat bedütet d isch durschtig
d zum e e zum i das ding chunt deftig dri
d durch dick d durch dünn d dörf nöd debil si
de für dich de für diee für jede dediziert
mis dänke demonstriert wiemer text dessiniert
dichte und disse han fründe nie denunziert
deprimiert defensiv teils bin ich destruktiv
dänke und dämpfe han min despot jetzt dressiert
deale mit ziile und drop de vers dezidiert
doof, diffizil dekodiert oder doch diffus
so distanziert definiert doch führts zum diskurs
s'domizil dominant spreitebach city block
deinon de name tenor op-c d t o
[Tenor]
das isch tenor voll tugend us tröchnete träne
ich träge dir truur über höche dur täler
min wille isch stählern die ziele hend tragchraft
kei zit meh für these ich läbe die tatsach
die schlagchraft erwiese basierend uf tragik
kei trachte keis tenü denn ich bruch kei tarnig
kei ahnig vo technik ich folg nur mim trieb
jede takt wie en turbo mis triebwerk wo schriebt
was mich zieht isch min traum spite tracks voller tüfi
erwarte nöd viel so chan ich nöd enttüscht sie
mis team mini stärchi das drumset git d herti
de raid a de taschte sin sound eusi termik
globali erwährmig sind gfange im triebhus
und d rettig bliebt letztlich en sterbende mythos
mit pyros fanfare mit trummle trompete
dto euses tag und de track isch d trophäe
[Op-C]
op-c mit flow-pracht, du flügsch in ohnmacht
sorgfalt i de tonart bi jedere botschaft
min vorrat isch vole vo goldige chrone
so royal, wie en don, ich bin so vollkome
die o's wo ich dropp, sind e neui sorte vo bombe
si explodiert wänn't probiersch, ois z'übertone
mier holed ii, brodled wie e lokomotive
uf de schine, ohni ahnig wo's ois hii wird triibe
tenor, und deinon on point ohni zwifel
scho immer so gsi, sitt ich mit dene homeys spitte
kei monotonie bloss versteckti melodie
komplexi ironie, zersetzt dini theorie
vomne dope mc, dopplet so offensiv
dopplet so konzentriert, wänn ich skillz kompensier
d’hoffnig stirbt nie oder sicherlich z’letscht
deinon, tenor, op-c, dto, häsch es checkt?
|