[Lyrics zum Track: PG4 - Hymne]
[Tenor]
das isch d stund vo de wahrheit willkomme im kampf
tenor pg4 die erschti phalanx
steck mis herz mini zit und min schweiss in die songs
gib mir d glegeheit zum burne eenn nutz ich mini chance
[Op-C]
stolzi haltig starre blick mit de Hand uf em herz
d'emotione choched was mini nervosität erchlärt
wär mitfühlt märkt, de shit hät mich prägt
hät mich gstärcht, pg4, ier chönd nüt me undernäh
[Deinon]
vergiss championsleague das isch de fucking olymp
die hymne isch für mich dich sie und all mini fründ
all mini gründ in silbe wort sätz und lines verpackt
spreitebach isch und bliibt mini heimatstadt
[Tenor]
han mini hand uf em herz und singe eusi hymne
wär nöd halb so wit ohni d familie ohni fründe
rape nur für mich und zum mich selber ergründe
bin wie dynamit und funke vor em entzünde
[Cuts by DJ Raid]
[Op-C]
die musig isch i mier drinn, die musig zeigt wär ich bin
dänn als chind händ die kläng scho min wäg bestimmt
knowledge is king, de grund warum ich ziit bim lerne verbring
werte min skill, merk das ich nur rap verherrliche will
[Tenor]
machs dir gmütlich im sessel und check bisch au gschnallt
mit em ohr uf de strass euse sound schmöckt nach asphalt
lahn mich los spiel de beat gib mir strom uf de preamp
spitte für us em mul bis es alli dusse igsehnd
[Deinon]
min vater isch en dütsche mini mueter us vietnam
pg4 isch was ich fühle di einzig hymne die ich chan
han en fründ us jedem land und kenn en schwiizer vom irak
hiphop mini kultur und de rap isch mini sprach
[Tenor]
zwei doppel null sibe d gschicht wird jetzt umgschriebe
futter für d jungs und für all ander hungrige
futter für die wo immer a mich glaubt hend
fühle stolz wenn ich gseh was mir zämme erbaut hend
[Cuts by DJ Raid]
[Deinon & Op-C]
mach dich gfasst uf es ass das isch musik vom parkgschoss
jedes satzteil puncht wie en rammbock
lines präzis kreiert wie vom van gogh
pg4 isch de standort
no vil meh eusi hochburg
massiv aktiv pumpt energie wie en bohrturm
mir bruched kei vorsprung sind uf de überholspuur
jedes wort bringt dir not bringt dir tod wie en monsun
das isch d'chraft us de vorstadt
pg4 mir regiered wie e grossmacht
obacht das isch nur e kostprob vom wortschatz
ohni grossem vorsatz, das isch eusi botschaft
das isch d'stadt a de baangleis
jede part wie en cut i dis zahfleisch
rang eis mir zeigeds denn alli händ ihre ateil
zelebriered eusi lieder PG4 isch eusi wahrheit
[Cuts by DJ Raid]
|